Patay ang isang pari matapos pagbabarilin ng riding-in-tandem sa Jaen, Nueva Ecija.
Kinilala ang biktima na si Father Marcelito “Tito” Paez, 62-anyos na mula sa Diocese ng San Jose City, Nueva Ecija.
Batay sa imbestigasyon, pasado alas-8:00 kagabi, lulan ng kaniyang sasakyan si Paez nang ito ay sundan ng apat na armadong suspek na naka-motorsiklo at dito na pinagbabaril ang pari.
Nagawa pang itakbo sa pinakamalapit na pagamutan si Paez ngunit binawian na din ng buhay.
Si Paez ang pari na nangampanya para matanggal ang mga US military bases sa bansa at kumontra din sa Bataan Nuclear Power Plant.
—-
