Pursigido ang party-list coalition na magsagawa ng bloc voting sa House Speakership race.
Ayon kay 1 Sagip Party-list representative Rodante Marcoleta, very ideal position para sa koalisyon ang bloc voting na aniya’y tinatahak nila.
Sinabi ni Marcoleta na sa pamamagitan ng bloc voting ay maipapakita nila ang kanilang lakas sa party-list coalition at maipaalam sa speaker aspirant na mananalo pagsapit ng July 22 na hindi dapat binabalewala ang kanilang hanay.
Gayunman, ipinabatid ni Marcoleta na ang actual dynamics ay nakadepende pa rin sa magiging resulta ng botohan nila sa July 2 kaya’t may posibilidad na hindi masunod ang bloc voting para sa iisang speaker aspirant.
