Magbibigay ng iba’t ibang insentibo ang lokal na pamahalaan ng Pasay City sa mga residenteng fully vaccinated na laban sa COVID-19.
Ito ay upang mahikayat ang mga residente na magpabakuna ngayong may banta ng Delta Variant.
Ayon kay Pasay City Mayor Emi Calixto-Rubiano, bibigyan ng insentibo ang lahat ng senior citizens na magpapabakuna.
Aniya, mag-oorganisa ang city government ng raffle event kung saan kabilang ang lahat ng pangalan ng fully vaccinated na senior citizens.
Maliban dito ay mayroon ding isasagawang raffle sa mga barangay na nakapagbakuna ng isang daang porsyento ng senior citizens at mga indibidwal na may comorbidities. —sa panulat ni Hyacinth Ludivico
