Pansamantalang sinuspindi ang pasok sa lahat ng regional at satellite office ng Professional Regulation Commission (PRC) sa Lunes, Oktubre 3.
Batay sa abiso ng PRC, ito ay dahil sa iba’t ibang aktibidad sa Licensure Examination for Professional Teachers (LEPT) na isasagawa sa Linggo, October 2.
Tatanggapin naman ang mga indibidwal na may appointment at apektado sa nasabing suspensyon sa Martes, Oktubre 4.
Samantala, hinikayat naman ng PRC ang publiko na mag-email na lamang sa regional offices ng komisyon ng kanilang mga queries at concern.
