Isinailalim na sa state of calamity ang bayan ng Pasuquin sa Ilocos Norte matapos na matinding maapektuhan ng bagyong Huaning.
Ayon sa mga lokal na opisyal ng Pasuquin, anim (6) na porsyento ng mga coastal barangays nito ang tinamaan ng storm surge na dala ng malakas na hangin.
Batay din sa kanilang tala, aabot sa labing pitong (17) mga kabahayan sa barangay Davila ang nawasak ng storm surge habang 118 mga bangkang pangisda naman ang nasira.
Naiulat din na ilang mga kalsada sa bayan ng Pasuquin ang nasira dulot ng bagyong Huaning.
By Krista de Dios
