Kinumpirma ni Transportation Secretary Arthur Tugade na sa isang road inspection event sa North Luzon Expressway (NLEX) nuong March 5 niya nakasalamuha ang isang pasyenteng nag positibo sa coronavirus disease (COVID-19).
Ang nasabing event, ayon kay Tugade na pag inspeksyon sa NLEX harbor link C3-R10 na nakatakdang magbukas sa susunod na linggo, ay dinaluhan din ng Pangulong Rodrigo Duterte.
Hindi pa naman malinaw kung nagkaruon ng direktang contact ang Pangulo sa naturang indibidwal.
