Maniningil ng service fee ang Pateros local government unit (LGU) para sa mas mabilis na pamamahagi ng cash assistance sa gitna ng umiiral na enhanced community quarantine (ECQ).
Sa isang pahayag, ayon sa Pateros LGU sa pagsisimula ng kanilang pamamahagi ng ayuda bukas, ika-12 ng Abril ay maniningil sila ng service fee na halagang P20 hanggang P50 depende sa halaga ng matatanggap ng benepisaryo.
Paliwanag ng Pateros LGU, ang sisingiling service fee ay ibabayad ng mga ito sa iba’t-ibang mga partner pay-out center para masiguro na mabilis ang pamamahagi nito.
Gayundin anila para hindi na magsiksikan pa ang mga residente ng Pateros at masunod ang lahat na umiiral na safety protocols.
