Nakadaong na sa Pier 15 ng Manila South Harbor ang isang patrol vessel ng Indian coast guard.
Ipinabatid ni Coast Guard Spokesman Captain Armand Balilo na dumating ang 105 – meter na Off Shore Shaurya sa bansa para makiisa sa bilateral exercises sa pagitan ng Philippine Coast Guard (PCG) at Indian Coast Guard.
Ang naturang Indian vessel aniya ay makiki – bahagi sa search and rescue gayundin sa communication exercise sa Manila Bay, na inaasahang mas higit pang magpapalakas sa kakayahan ng dalawang coast guard kapag may mga insidente sa karagatan.
Ang Indian vessel ay mananatili sa bansa hanggang sa Martes, Disyembre 5.
