Dismayado si Communications Secretary Martin Andanar sa paulit-ulit na pagkakamali ng mga tauhan ng Presidential Communications Office kabilang ang mga nangangasiwa sa International Press Center.
Ito ay matapos umani ng batikos ang mga maling grammar sa media identification cards na inisyu ng Malacañang.
Ayon kay Andanar, kanya nang ipinabawi ang naturang mga media ID.
Aminado si Andanar na nagkaroon ng breach of protocol dahil sa hindi dumaan sa kanya ang nilalaman ng likurang bahagi ng ID.
Sa kabila nito, nanindigan ang kalihim na walang pangangailangan para pagbitiwin sa puwesto ang staff ng IPC lalo’t minor lamang ang pagkakamaling ito.
—-
