Naging top trending topic sa Twitter ang Kapamilya actor na si Paulo Avelino, matapos na maging isa siya sa mga judges sa 2017 Binibining Pilipinas na ginanap sa Araneta Coliseum kagabi.
Pumalo sa mahigit na siyam na libo (9,000) ang tweets at mention ng aktor sa nasabing social media site.
Ilan sa mga netizens nag-tweet ng kanilang paghanga sa porma ni Paulo sa naturang pageant at hindi napigilang tawagin ang aktor bilang hot.
Patok din sa Twitter ang mga nakatutuwang sagot, memes at banat na ipinost ng ilang netizens sa tanong ni Paulo sa Q and A portion ng Binibining Pilipinas.
Dalawang (2) beses na nagkaroon ng pagkakataon si Paulo na makapagtanong sa mga kandidata na sina Christa Borja at Charmaine Elima.
By Krista de Dios
Photo: cosmoph
