Lalo pang nadaragdagan ang bilang ng napapaulat na casualties ng National Disaster Risk Reduction and Management Council (NDRRMC) dahil sa pagdating ng mga ulat mula sa mga rehiyong matinding hinagupit ng bagyong Odette.
Batay sa pinakahuling datos ng NDRRMC, pumalo na sa 177 ang bilang ng mga napaulat na nasawi subalit nilinaw nito na nasa 11 pa lamang ang kumpirmadong kaso.
Nakapagtala rin ang ahensya ng 275 na bilang ng mga sugatan gayundin ng 38 nawawala subalit kinakailangan pa rin itong isailalim sa masusing beripikasyon.
Nabatid na nagmula ang nabanggit na bilang sa Palawan, Iloilo, Guimaras, Negros Occidental, Bohol, Bukidnon at Misamis Oriental. —sa ulat ni Jaymark Dagala (Patrol 9)
