Nakatakdang dumalo si Pangulong Ferdinand Marcos Jr. sa taunang Philippine Military Academy Alumni Homecoming sa Fort del Pilar sa Baguio City.
Ayon kay Presidential Communications Office Sec. Cheloy Garafil, inaasahang darating ang Pangulo bandang alas-nuebe ng umaga bukas sa Fort del Pilar para sa saksihan ang reunion ng mga nagsipagtapos sa PMA.
Kasama sa mga nakatakdang programa ang Lifetime Achievement Awards habang pararangalan din ang mga Cavalier Awardees at Pandemic Heroes Awardees.
Manunmpa rin ang mga bagong Board of Directors ng PMA Alumni Association Incorporated na pangungunahan din ni Pangulong Marcos Jr.
Dahil kakaunti na lamang ang mga naitatalang kaso ng COVID-19 sa bansa, inaasahang dadagsa muli ang mga miyembro ng PMA sa event na natigil ng ilang taon dahil sa pandemya.
Ito rin ang kauna-unahang pagdalo ni PBBM sa Alumni Homecoming ng mga nagsipagtapos sa PMA mula nang mahalal bilang Presidente noong May 2022.
