Nakatakdang magsagawa ng aerial inspection ngayong araw si Pangulong Ferdinand ‘Bongbong’ Marcos Jr.
Ito’y upang makita ang pinsala sa mga lugar na idinulot ng bagyong Paeng, partikular sa Cavite.
Lubhang napuruhan ng bagyo ang ilang bahagi ng lalawigan tulad ng Noveleta, kung saan kabilang ito sa mga nalubog sa baha.
Inaasahan naman na kabilang sa magiging aktibidad ng Punong Ehekutibo ngayong Lunes ang pagdalo sa situation briefing na isasagawa sa nasabing lalawigan.
