Nagpasalamat si Pangulong Ferdinand Marcos Jr. sa positibong resulta ng mga survey na nagpapakita ng pagtanggap ng publiko sa mga programa ng kaniyang administrasyon.
Ayon kay Pangulong Marcos, nagagalak siya at nararamdaman ng mga tao ang kanilang ginagawa at nakakakuha ng positibong tugon mula sa publiko.
Dagdag pa ng Pangulo, lalong tumitibay ang kanilang loob na pagbutihin pa ang kanilang trabaho.
Pinuri rin ng Presidente ang mga bagong nagtapos mula sa Development Academy of the Philippines na nakatakdang maglingkod sa pamahalaan.
Ipinunto ng Pangulo na mahalaga ang pagpasok ng mga bagong bihasang lingkod-bayan para mapalakas ang operasyon ng pamahalaan. - sa panulat ni Kat Gonzales
