Nananatiling bakante ang puwesto ni dating Department of Health (DOH) Secretary Francisco Duque III.
Sa kabila ng pakikipagpulong ni Pangulong Ferdinand Marcos Jr. sa mga opisyal ng DOH at Philippine Health Insurance Corporation (PHILHEALTH) kaninang umagaay wala parin itong napipiling italaga bilang bagong kalihim ng DOH.
Ayon kay Press Secretary Trixie Cruz-Angeles, wala pa siyang natatanggap na impormasyon hinggil sa naturang pagpupulong ngunit nangako na agad na mag-isyu ng anunsiyo kapag nakapili na si PBBM ng bagong mangangasiwa sa nasabing ahensiya.
Mababatid na bukod sa DOH ilan pa sa mga walang naitatalagang kalihim ang pangulo sa Department of Energy, Department of Environment and Natural Resources, Department of Science and Technology at PAGCOR.
