Nilinaw ng Philippine Drug Enforcement Agency o PDEA na hindi naman sila mawawala sa kampanya kontra iligal na droga.
Ito, ayon kay PDEA Spokesman, Director Derrick Carreon, ay kahit pa ibalik ni Pangulong Rodrigo Duterte sa kamay ng Philippine National Police (PNP) ang war on drugs.
Ipinaliwanag ni Carreon na alinsunod sa batas ay PDEA ang lead agency sa anti – illegal drugs operation.
Hindi naman aniya malaking kawalan sa kanila kung bumalik ang PNP bagkus ay mas malaking tulong ito.
Hindi naman po mawawala, hindi naman po mawawala sa’min ‘yung bola. Hindi naman kami titigil sa pag – operate na mahuli ‘yung value target.
Masaya po kami dahil meron na ulit kaming kakampi.
Pahihintulutan lang uli na sumali sa pag – operate ang pulis ngunit lead agency pa rin naman po kami.
