Inginuso ni Philippine Drug Enforcement Agency (PDEA) Executive Director Undersectetary Arturo Cacdac Jr. na ang mga Tsino at Filipino Chinese ang numero unong pasimuno sa operasyon ng iligal na droga sa bansa.
Ayon kay Cacdac, hindi kataka-taka na sa huling bahagi ng taong 2015 hanggang ngayong buwan ng Enero, naglalabasan ang kilo-kilong shabu.
Paliwanag ni Cacdac, nag-iipon ng pera ang mga Tsinoy para sa Chinese New Year sa susunod na buwan.
Bago aniya sumapit ang Chinese New Year, lalo pang lumalakas ang mga operasyon ng iligal na droga sa bansa dahil sa milyun-milyong pisong gumugulong sa drug market na mula sa mga Tsino.
Tiniyak ni Cacdac mas paiigtingan pa nila ngayon ang kanilang mga operasyon upang masugpo ang mga ipinagbabawal na gamot sa Pilipinas.
By Meann Tanbio | Jonathan Andal
