Nilinaw ng Philippine Drug Enforcement Agency (PDEA) nitong Miyerkules na lehitimo ang isinagawang buy bust operation ng kanilang mga tauhan sa labas ng Ever Gotesco Mall Commonwealth Avenue sa Quezon City kung saan naganap ang barilan sa pagitan ng pulisya at PDEA.
Ayon kay PDEA spokesperson Derrick Carreon, hindi pa buo ang detalye sa ngayon subalit nakatitiyak itong nakipag-coordinate ang PDEA upang magsagawa ng buy-bust operation sa naturang lugar.
Dagdag ni Carreon, may mga kaukulang dokumento ang mga PDEA agents na katibayang na totoo ang buy-bust operation.
Aniya,maaga pang kumpirmahin na isang misencounter ang nangyaring barilan dahil umuusad pa ang imbestigasyon sa insidente.—sa panulat ni Agustina Nolasco
