Inanunsyo ni Acting Presidential Spokesperson Karlo Nograles na magkakaroon ng serye ng pagpupulong ang PDP-Laban na partido ni Pangulong Rodrigo Duterte.
Ayon kay Nograles, kailangang mapag-usapan ang mga susunod na hakbang ng partido matapos na umatras na sa kanyang kandidatura bilang presidential candidate si Sen. Bong Go.
Anuman ani Nograles ang mapagkakasunduan ng partido sa mga pagpupulong na ito, agad aniya nila itong isasapubliko.
Kaya naman hintayin na lamang, ayon sa kalihim ang ilalabas nilang statement ukol dito.—mula sa ulat ni Jopel Pelenio
