Sinimulan na ng PDP-Laban Pacquiao faction ang pagbuo ng senatorial line-up nito para sa susunod na eleksyon sa 2022.
Ayon kay Executive Director Ron Munsayac, sa katunayan ay may mga pagtitipon na silang ginawa patungkol sa mga kandidato para sa pagka-senador.
Bagamat tumanggi si Munsayac na pangalanan ang mga nasa senatorial slate ng Pacquiao faction, tiwala naman itong malalakas at ‘winnable’ ang mga ito.
Mababatid na ilan sa mga lalamanin ng slate ay ang mga kasalukuyang senador, mga magbabalik sa senado maging ang mga bagong personalidad.
Sa huli, sinabi ni Munsayac na ang magiging pinal na kadidato ng kanilang partido ay tugma sa kanilang prinsipyo.
