Nagbigay ng mensahe si Pangulong Rodrigo Duterte kaugnay sa pagsalubong ng bagong taon at unang araw ng taong 2022.
Ayon kay Pangulong Rodrigo Duterte, dapat na bigyang halaga ng bawat isa ang mga nangyari sa bansa sa loob ng isang buong taon kasama na dito ang tagumpay sa paglaban sa COVID-19 pandemic at pananalasa ng bagyong Odette.
Ikinatuwa ni Pangulong Rodrigo Duterte ang pagpapakita ng bayanihan at pagiging matapang ng mga pilipino sa gitna ng ibat-ibang suliranin na nangyayari sa bansa.
Sinabi pa ng pangulo na ang pagiging matatag ng bawat isa ang siyang tumulong sa tagumpay sa gitna ng naranasang paghihirap ng mga pilipino.
Umaasa naman ang pangulo na mabilis na makakarekober ang bansa at muling makakapagsimula sa panibagong taon upang mapabuti at mapaganda ang pamumuhay ng bawat isa sa tulong ng pagbabago at pagkakaisa. —sa panulat ni Angelica Doctolero
