Hinikayat ni Pangulong Rodrigo Duterte ang mga opisyal ng barangay sa buong bansa na isantabi ang mga personal na interes at maglingkod ng buong tapat sa taumbayan.
Sa panunumpa ng mga bagong opisyal ng barangay sa buong Region 3, pinatitiyak ng Pangulo sa mga ito ang implementasyon ng mga programa kontra kriminalidad at iligal na droga.
Ayon sa Pangulo, handa siyang armasan ang mga opisyal ng barangay para sa seguridad ng mga ito.
Inihayag din ng Pangulo na handa siyang manghimasok oras na may mga opisyal ng barangay na makakasuhan dahil sa paggampan ng tungkulin na may kinalaman sa paglaban ng mga ito sa kriminalidad at iligal na droga.
—-
