Pangungunahan ng Pangulong Rodrigo Duterte ang paggunita sa ika isandaan at dalawampo’t isang (121) anibersaryo ng kamatayan ni Gat Jose Rizal ngayong Sabado, Disyembre 30.
7:00 ng umaga inaasahang darating ang Pangulong Duterte sa monumento ni Rizal sa Luneta para pangunahan ang flag raising ceremony.
Susundan naman ito ng pag – aalay ng bulaklak sa bantayog ng pambansang bayani.
Una nang inihayag ng Pangulo ang paggunita ay pagkakataon para kilalanin ang pag – aalay ng buhay ni Rizal para sa bansa.
Sinabi ng Pangulo na dapat pagnilayan ang pagmamahal sa bayan ni Rizal habang pinagsisikapan ng mga Pilipinong tuparin ang hangarin para sa isang nagkakaisa, mapayapa at maunlad na Pilipinas.
