Sumakabilang buhay na ang itinuturing na longtime peace advocate na si Father Eliseo Jun Mercado, Jr..
Inanunsyo ng kongregasyon ni Mercado na Oblates of Mary Immaculate (OMI) ang pagkasawi nito sa Cotabato Regional Medical Center dahil sa kumplikasyon sa coronavirus disease 2019 (COVID-19) sa edad na 72.
Ayon sa OMI, gumanda na ang kondisyon ni Mercado subalit inatake ito matapos ilipat sa intensive care unit (ICU) para sa kanyang agarang paggaling.
Si Mercado na kilala sa kanyang papel sa peace process sa Mindanao ay pangulo ng Notre Dame University sa Cotabato City mula 1992 hanggang 2002 at nagsilbing director ng Justice, Peace and Integrity of Creation ng OMI sa Rome mula 2003 hanggang 2006.
