Nananatili pa rin umanong buhay ang peace process sa makakaliwang grupo.
Ito ang paniniwala ni Labor Secretary Silvestre Bello III, tumatayong chief negotiator ng pamahalaan sa CPP-NPA-NDF.
Ayon kay Bello, ang nakatakdang pakikipagpulong ni Pangulong Rodrigo Duterte sa mga tinaguring leftist cabinet members sa susunod na linggo ay indikasyon na buhay pa rin ang usapang pangkapayapaan.
Kabilang sa makakasama sa nasabing pagpupulong sina National Anti-Poverty Commission Lead Convenor Liza Maza, Department of Social Welfare and Development (DSWD) Secretary Judy Taguiwalo at Agrarian Reform Secretary Rafael Mariano.
By Meann Tanbio | Report from Aya Yupangco (Patrol 5)
