Pinag-iingat ng mga otoridad ang mga konsyumer sa pagbili ng mga gamot kasunod ng pagkakasabat ng mga pekeng gamot sa magkakahiwalay na operasyon sa Laguna at Zamboanga City.
Nakumpiska ng mga otoridad ang ilang kahon ng hinihinalang pekeng Paracetamol at iba pang mga gamot sa laguna.
Inaresto naman ang magkasintahan na nagbebenta nito dahil walang maipakitang dokumento na sila ay authorized sellers.
Nadiskubre rin ang mga pekeng gamot na ibinebenta sa ilang drug stores sa Zamboanga City.
Nabatid na wala sa listahan ng manufacturer ang lot number ng mga nakumpiskang mga gamot.
Wala namang pahayag ang mga botika na nahulihan ng nasabing mga gamot.
