Pinatunayan ng tambalang Donny Pangilinan at Belle Mariano o ‘DonBelle’ ang lakas ng kanilang love team matapos pilahan ng fans ang kanilang pelikula na “An Inconvenient Love.”
Ayon sa Star Cinema Marketing Executive na si Mico Del Rosario, umabot na sa P15-M ang kinita ng nasabing film na ipinalabas sa mahigit 160 cinemas sa buong bansa.
Nabatid na ito rin ang una at nag-iisang movie ng Star Cinema para sa taong ito.
Ipinalabas sa mga sinehan ang “An Inconvenient Love” noong November 23 at mapapanood din sa 20 mga bansa, na may regular screening sa Guam, Singapore, Hong Kong, Malaysia, Nigeria, at Cambodia.
