Todo ang pasalamat ni Direk Jose Javier Reyes sa Aldub nation.
Ito ay dahil kumita na ng P1 million pesos ticket sales ang pelikulang My Bebe Love #KiligPaMore sa unang oras pa lamang ng pagpapalabas nito sa mga sinehan.
Sa twitter post ng direktor, kinumpirma ni Orly Ilacad ang executive producer ng Octoarts Films na nasapul na ng pelikula ang million mark ngunit hindi pa nakukuha ang kumpletong resulta nito.
Dahil dito, sinabi ng direktor na kulang ang kanyang thank you para pasalamatan ang napakainit na pagsuporta na ginawa ng mga ito para sa pelikula.
Ang My Bebe Love ay pelikula nina Bossing Vic Sotto at Ai- ai Delas Alas kasama ang pinakamainit na loveteam ngayon ang Aldub, sina Alden Richards at Yaya Dub a.k.a Maine Mendoza.
By Rianne Briones
