Hindi hahadlangan ni Pangulong Rodrigo Duterte na kanyang mga kaalyado sa planong people’s initiative para ipagpaliban ang 2018 midterm elections.
Ayon kay Presidential Spokesman Harry Roque, bagama’t hindi pabor ang Pangulo na kanselahin ang eleksyon ay wala naman aniya itong magagawa kung mismong ang taongbayan na ang siyang magsulong nito.
Ngunit binigyang diin ni Roque ang paninindigan ng Pangulo na wala siyang magiging kamay sa anumang pagsisikap na magkaroon ng ‘no-el’ scenario.
Matatandaang nagbanta si House Speaker Pantaleon Alavarez na kung hindi papaburan ng kanyang kapwa mambabatas ang isinusulong na suspensyon sa eleksyon ay posibleng magawa pa rin ito sa pamamagitan ng people’s initiative.
—-
