Kasalukuyang inoobserbahan ngayon sa ospital ang Pinoy rock legend na si Pepe Smith.
Ito ay makaraang ma-stroke si Smith hatinggabi ng Martes.
Dinala ang rock and roll king sa Metro Antipolo Hospital matapos nitong ireklamo ang tungkol sa galaw ng kanyang dila.
Ayon sa mga staff ng ospital, stable naman ang vital signs ni Smith ngunit kailangan pa rin itong masuri ng isang neurologist at iba pang doktor upang ma-assess mabuti ang kondisyon nito lalot ikatlong stroke niya na ito simula 2016.
Sa December 25, ipagdiriwang ni Pepe Smith ang kanyang ika-70 kaarawan.
Nakilala siya noong 1970 na nagsulong ng Pinoy rock kung saan kabilang sa mga tatak niyang kanta ay ang “Ang Himig Natin”, “Balong Malalim” at “Beep, Beep” at maraming iba pa.
—-
