Napasakamay na ng mga public school teacher mula sa siyam (9) na rehiyon sa bansa ang kanilang pinakahihintay na performance bonus.
Ayon kay Education Secretary Leonor Briones, alas-3:00 pa lamang ng hapon noong Martes nang simulan nilang ipamahagi ang naturang bonus sa mga pampublikong guro.
Kabilang sa mga rehiyon na nakatanggap ng bonus ay ang Metro Manila, CALABARZON, MIMAROPA, Bicol, western Visayas, Davao region, SOCCSKARGEN, Caraga at Cordillera Administrative Region (CAR).
Dahil dito, asahan nang nakatanggap ang mga guro ng mula 5,000 hanggang 35,000 bilang yearend incentive na kinuha pa sa budget ng DepEd para sa taong 2015.
By Jaymark Dagala
