Giniba ng Philippine National Women’s basketball ang Hong Kong sa score 75-62 dahilan upang makuha ang ika-3 sunod na panalo sa 2015 FIBA Asia Women’s Championship sa Wuhan, China.
Kumamada ng 20 points, 6 rebounds at 4 assists si Allana Lim habang nag-ambag naman ng 19 points si Camille Sambile para sa Philippine team.
Dahil sa naturang panalo, umakyat na ang Perlas Pilipinas sa ika-2 pwesto sa level II ng naturang torneo.
Sunod na makakasagupa ng mga pinay sa isang crucial match ang Kazakhstan, bukas.
By: Jerbert Perdez
