Personal na galit mula kay Philippine Drug Enforcement and Agency (PDEA) Director General Arturo Cacdac Jr. ang nakikitang rason ni Marine Col. Ferdinand Marcelino kaya siya inaresto at pinakulong matapos ang isinagawang drug raid sa Sta. Cruz, Maynila.
Isa lamang ito sa ginawang depensa ni Marcelino sa kanyang 9 na pahinang counter affidavit sa Department of Justice (DOJ) kaugnay ng reklamong illegal drugs possession, manufacturing at conspiracy to manufacture illegal drugs na inihain ng mga operatiba laban kay Marcelino.
Nakasaad din sa kontra-salaysay ni Marcelino na iritado sa kanya si Cacdac dahil sa patuloy niyang partisipasyon sa kampanya ng gobyerno laban sa iligal na droga.
Hindi aniya niya maunawaan kung bakit ganoon ang trato sa kanya ng PDEA Chief sa kabila ng kanyang kontribusyon sa anti-drugs campaign.
By Meann Tanbio | Bert Mozo (Patrol 3)
