Inaalam pa ng Philippine Consul Officials sa UK o United Kingdom kung mayroong mga Pilipinong naapektuhan ng sunog sa dalawamput pitong (27) palapag na gusali sa Central London.
Ayon ito kay UK Consul Senen Mangalile sa gitna na rin nang patuloy na monitoring nila sa nasabing kaganapan.
Sinabi ni Mangalile na mayroong limang libong (5,000) Pilipino ang nasa Royal Borough kung saan nakatayo ang Grenfell Tower bagamat iniimbestigahan na nila kung may mga Pilipinong nakatira sa nasunog na tower.
Ipinabatid ni Mangalile na uubrang tumawag sa +44 7802 790695 o mag e-mail sa embassy@philemb.co.uk ang mga Pilipinong nais ng ayuda dahil sa nasabing sunog.
Sa kanilang post naman sa Facebook, ipinaabot ng Philippine Embassy sa London ang simpatiya sa mga biktima ng nasabing sunog.
By Judith Larino
