Obligado na magparehistro sa Philippine Health Insurance Corporation (PhilHealth) ang mga estudyante sa kolehiyo, bilang isa sa mga requirements ng mga sasali sa limited face-to-face class sa mga lugar na nasa alert level 1.
Ito ay ayon kay acting Deputy Presidential Spokesman Kris Ablan matapos aprubahan ng Inter-Agency Task Force (IATF) ang rekomendasyon ng Commission on Higher Education (CHED) para sa limited face-to-face class.
Sinabi ni Ablan na kailangang may PhilHealth coverage ang mga estudyante sa kolehiyo o medical insurance na sakop ang COVID-19 case.
Samantala, para sa mga estudyanteng lampas 21 years old, kailangan aniyang mag-enroll sa PhilHealth bilang indigent member, habang para naman sa mga estudyanteng wala pa an edad sa bente uno, maaari silang maging dependent ng kanilang magulang o guardian sa PhilHealth. – sa panulat ni Mara Valle