Iginiit ng Philippine Health Insurance Corp. (PhilHealth) na sapat ang kanilang pondo para ipambayad sa kanilang utang sa mga ospital.
Ayon sa PhilHealth na nasa proseso na sila ng pagbabayad at nagsasagawa sila ng masinsing pag-a-audit bago maglabas ng pera.
Buhat nitong May 17, 2021, nakapagbayad na sila ng P25.38 Billion sa mga ospital kung saan P4.88 Billion dito ay may kinalaman sa COVID 19 claims sa pamamagitan ng Debit at Credit Payment Method (DPCM).
Nasa 60% anila ng mga ito ang “processed claims” na awtomatikong naibabayad sa mga kwalipikadong ospital kasama na ang kaltas na 2 percent witholding tax.
Habang ang natitira namang 40% ay babayaran matapos ang claims processing kasama na ang 2% witholding tax.
Dahil sa accelerated payment method, natitiyak na may sapat na cash flow sa mga ospital na nagagamit naman para sa healthcare ngayong may pandemya.
Simula ng ipatupad ang DPCM, halos P6 Billion na ang nabayaran ng PhilHealth sa 182 na mga ospital.