Sabik na ang mga piloto ng Philippine Airforce na gamitin ang mga bagong aircraft na binili ng Pilipinas.
Ito ang inamin ni Airforce Commander, Lt. Gen. Jeffrey Delgado matapos ang blessing at turn-over ceremony ng mga bagong assets kabilang ang 2 FA-50 fighter jets mula South Korea na pinangunahan ni Pangulong Noynoy Aquino.
Ayon kay Delgado, mataas ang morale ng mga piloto dahil nakadagdag sa kanilang lakas ng loob ang mga bagong fighter jet, transport plane at helicopters.
Gayunman, kailangan pa anya ng ibayong pagsasanay upang matiyak na magiging mahusay ang pagpapalipad ng mga piloto sa mga nabanggit na aircraft.
By: Drew Nacino
