Napapanahon na para palakasin ang Philippine Coast Guard (PCG).
Ito ang tugon ni PCG Spokesman Commander Armand Balilo, makaraang kunin ang reaksyon nito sakaling atakehin ng China ang Coast Guard vessels.
Matatandaang sa nakalipas na presidential debate na ginanap sa UP Cebu, tinanong ni Davao City Mayor Rodrigo Duterte si Senador Grace Poe kung ano ang una nitong gagawin sakaling maabisuhan na pinalubog ng China ang dalawang barko ng Coast Guard sa gitna ng territorial dispute sa West Philippine Sea.
“Medyo lumalaki ang trabaho natin, the Coast Guard is being asked to do more, siguro napapanahon na palakasin na natin at para magampanan ang tungkulin ng maayos at hindi mangyari ang sinasabi ni Mayor Duterte na gigising ka na lang palulubugin yung mga barko ng Coast Guard, siguro sana makalaban lang.” Pahayag ni Balilo.
By Meann Tanbio | Ratsada Balita
