Magpapatupad ng bigtime rollback sa presyo ng mga produktong petrolyo ang Phoenix Petroleum simula ngayong araw.
Sa anunsyo ng nabanggit ng kumpanya ng langis, epektibo 6:00 ngayong umaga ang piso at animnapung sentimong bawas sa presyo ng kada litro ng kanilang diesel.
Habang piso at apatnapung sentimo kada litro naman ang kaltas sa presyo ng gasolina.
Nitong Huwebes, napaulat ang mahigit apat na porsyentong pagbaba sa presyo ng langis sa pandaigdigang merkado dahil sa pangamba sa epekto ng COVID-19 sa demand ng krudo.
