Maglalabas ng limited edition na selyo ang Philippine Postal Corporation (PHLPost) bilang pagkilala sa tagumpay ni reigning Miss Universe Pia Wurtzbach.
Ayon sa PHLPost, nakuha na nito ang pahintulot ng Bb. Pilipinas Charities Inc. (BPCI) sa printing ng mga nasabing selyo kung saan bida ang 26-anyos na beauty queen na tubong Cagayan de Oro.
Kasunod nito ay makikipagkita na ang mga organizers ng Bb. Pilipinas sa mga opisyal ng PHLPost para sa magiging disenyo ng nasabing selyo.
Inihayag naman ng PHLPost na umaasa silang handa na ang nasabing selyo bago ang pagbabalik ni Pia sa bansa sa darating na Enero 23.
By Mariboy Ysibido
