“Nangangailangan ang Pilipinas ng isang maayos at kuwalipikadong Chief Justice”
Iyan ang inihayag ni Solicitor General Jose Calida sa kaniyang opening statement sa pagsisimula ng oral arguments ng Korte Suprema kaugnay ng isinumite niyang Quo Warranto Petition laban kay On Leave Chief Justice Maria Lourdes Sereno.
Giit ni Calida, nagpapanggap lamang umano si Sereno sa kaniyang posisyon na aniya’y kapos na kapos sa integridad at kaduda-duda ang kuwalipikasyon para pamunuan ang hudikatura.
Binigyang diin pa ng Solgen na dapat sa isang pinuno ng isa sa mga sangay ng pamahalaan na sumunod sa mga simpleng batas tulad ng tamang pagsusumite ng Statement of Assets, Liabilities and Net worth.
