Walang dahilan ang Pilipinas para matakot sa bansang China sa harap na rin ng agawan sa teritoryo sa West Philippine Sea.
Ito ang matigas na pahayag ni Foreign Affairs Secretary Perfecto Yasay kasabay ng pag-asang papabor sa Pilipinas ang magiging desisyon ng International Arbitral Court sa The Hague, Netherlands.
Ayon kay Yasay, sinusunod lamang ng Pilipinas ang umiiral na international law at nananatili ang Pilipinas sa pagpapairal ng diplomasya sa mga ginagawang hakbang ng China.
Napatunayan na rin ng Pilipinas ang pagiging matapang nito sa mga nakalipas na panahon ngunit naniniwala ang kalihim na maaayos ang gusot sa mapayapa at mahinahong paraan.
By Jaymark Dagala
