Patay ang isang Pilipinong padre de pamilya matapos sagipin sa pagkalunod ang 10 taong gulang na anak nito sa British Columbia.
Ayon kay Zsalve Salazar, kaagad sumuong sa Lake Chehalis ang amang si Arnulf nang manghingi siya ng tulong para sagipin ang nalulunod niyang kapatid na si Zach na isang autistic.
Tinulungan ng mga bystander ang 53 anyos na ama na itinulak ang kanyang nalulunod na anak papalapit sa mga ito subalit nang matiyak na ligtas na ang anak, hindi na nakalaban ang matandang Salazar sa matinding agos ng tubig mula sa lawa.
Sinabi ni Zsalve na-shock pa sila sa nangyari sa kanilang ama na mabait, masipag at sumusuporta sa kanilang mga pangarap.
