Nanawagan si Foreign Affairs Secretary Alan Peter Cayetano ng mas maigting na international cooperation kontra terorismo.
Ito ang inihayag ni Cayetano matapos ang Islamic State-inspired terrorist attack sa Manhattan, New York, sa Amerika na ikinasawi ng walo (8) katao at ikinasugat ng labing-isang (11) iba pa.
Kahit aniya natalo na ang Islamic State sa Iraq, Syria maging sa Pilipinas ay hindi ito nangangahulugan na tapos na ang laban.
Nagpaabot din ng simpatya at pakikiramay si Cayetano sa pamilya ng mga biktima ng truck attack sa Manhattan kasabay ng pagkondena sa panibagong insidente.
—-
