Nakapagtala ng pinakamataas na bilang ng vaccinees o nabakunahan sa unang araw ng 3-day National Vaccination ang Calabarzon.
Ayon kay DOH-Regional Director Ariel Valencia, nasa kabuuang 366,000 ang nabakunahan noong Lunes sa nasabing rehiyon na sinundan ng Region V na mayroong 192,160 at 133,000 para sa Region 3.
Ang probinsya naman sa region 4-A na may mataas na bilang ng binakunahan ay ang Batangas, Cavite at Laguna.
Isa anya itong indikasyon na unti-unti nang humuhupa ang vaccine hesistancy ng publiko at tinatanggap na ang COVID-19 vaccines. —sa panulat ni Drew Nacino
