Arestado ang isang pinaniniwalaang mataas na opisyal ng New People’s Army (NPA) sa Butuan City.
Sa operasyong isinagawa ng magkasanib pwersa ng tropa ng miltar at Butuan police, nadakip si Virgilio Torralba Lincuna, 68 taong gulang.
Batay sa ulat may kinakaharap na 3 kaso ng attempted murder si Lincuna.
Hinala ng mga otoridad si Lincuna ay secretary ng NPA-Regional urban committee, Regional white area committee, Northeastern Mindanao Regionalcommittee sa nasabing lugar.
Kinilala rin si Lincuna bilang Chairman ng kilusang Mayo Uno na nangunguna sa mga pagkilos sa Butuan.
