Pinoy abroad na tinamaan ng COVID-19 ngayong araw pumalo sa 483

Nakapagtala ng karagdagang 483 kaso ng COVID-19 sa mga Pinoy na nasa ibayong dagat ang Department of Foreign Affairs ngayong Huwebes.

Dahil dito, mayroon nang kabuuang 17,064 na kaso ng COVID-19 sa mga Pilipino abroad, kung saan 5,921 rito ay patuloy na nagpapagaling at 10,077 naman dito ay nakarekober na.

Samantala, 1,066 naman ang kabuuang nasawi habang wala namang naitalang bagong kaso ng namatay ngayong araw.

Tinatayang nasa 91 na bansa  na ang naitalang may mga Pilipinong nadapuan ng COVID-19. —sa panulat ni Agustina Nolasco

Comments

comments