Hindi pinalad ang mga manlalarong Pinoy sa kani-kanilang events sa SEA Games.
Sa women water polo na ginanap sa New Clark Aquatic Center, yumukod ang Philippine team sa Singapore sa score na 9-18.
Bigo naman ang Azkals na igupo ang nakaharap nilang Myanmar sa football nang magtapos ang laro sa score na 2-1 pabor sa Myanmar.
Hindi rin naging maganda ang laban ng Pilipinas sa Thailand sa netball nang makakuha lamang sila ng 29 points kontra sa 64 points ng Thailand.
Inaasahang babawi ngayong araw na ito ang Philippine team sa paharap ng Philippine women team sa Thailand para sa double round robin ng water polo ngayung alas-10 ng umaga, samantalang Thailand pa rin ang haharapin ng men’s team ng Pilipinas dakong alas-7 ng gabi, sa New Clark City Aquatic Center.
Samantala, makakaharap naman ng Philippine women team sa floorball ang Singapore ganap na ala-1 ng hapon sa UP College Of Human Kinetics Gym at ang men’s team naman dakong alas-7 ng gabi.
Sasabak naman ang Philippine team sa polo kontra Indonesia sa Inigo Zoble Polo Facility.
