Excited na ang Pinoy film director na si Ronnie del Carmen na gumawa sa animated film na “Inside Out” sa 2016 Golden Globe Awards sa Linggo.
Maliban kasi sa pagiging nominado ng kanyang pelikula bilang Best Animated Film ay napili din ang inside out ng mga miyembro ng hollywood foreign press na nape-predict nila mananalo para sa nasabing kategorya.
Kasama ng “Inside Out” sa nominasyon sa 73rd Golden Globe Awards Best Animated Film ang “Anomalisa,” “The Good Dinosaur,” “The Peanuts Movie” at “Shaun, The Sheep Movie.”
Sinabi din ng direktor na magsusuot ito ng suit na gawa ng Pinoy designer na si Oliver Tolentino para sa awards night.
Matatandaan na si Oliver rin ang may gawa ng red gown na isinuot ni Miss Universe 2015 Pia Wurtzbach noong preliminary competition ng Miss Universe pageant.
By Arianne Palma
