Ikinuwento ng Pilipinong pinalaya ng Palestinian militant group na Hamas ang kanyang karanasan sa pag-atake ng militanteng grupo sa Israel.
Ayon sa caregiver na si Jimmy Pacheco, nagtago sila ng alaga niyang matanda sa isang bomb shelter.
Kwento pa niya, sinabihan si Pacheco ng kanyang alaga na i-lock ang lahat ng pintuan at iligtas ang sarili, dahil matanda na ito.
Gayunman, mas pinili ng nasabing Pilipino na manatili kasama ito, hanggang sa kanyang huling hininga.
Dagdag pa ni Pacheco, pinagbabaril hanggang sa mapatay ang kanyang alaga ng tatlong beses sa bomb shelter habang ito ay natutulog, at nadaplisan siya ng bala.
Sa kabila ng nangyari, babalik pa rin si Pacheco sa Israel para magtrabaho ulit, at mayroon na siyang tatlong job offer sa naturang bansa. - sa panulat ni Charles Laureta
